安倍遇刺｜陳美齡憶亡友36年前任伴郎：未接受得到佢會咁過世
撰文：吳子生
出版：更新：
陳美齡今日現身尖沙咀出席《明愛暖萬心》記者會。（葉志明攝）
陳美齡今日（12/7）現身尖沙咀出席《明愛暖萬心》記者會。提到好友日本前首相安倍晉三日前在奈良市街頭演說時遭槍擊身亡，享年67歲。陳美齡心情沉痛表示：「當日睇到呢個消息真係好震驚，因為喺佢未做從政嘅時候我哋已經識佢，而我老公讀大學嘅時候亦係佢同學，咁所以大家係認識咗好多年嘅朋友。佢走咗之後令我諗起結婚嘅時候，佢嚟香港做我哋伴郎，而我大仔結婚嘅時候佢都有嚟。真係估唔到日本竟然會發生啲咁嘅事，因為平時都係比較靜。（老公情緒如何？）我有同佢通過電話，知到佢而家心情係好差。其實到而家我都未接受得到自己嘅朋友會咁樣過世。（老公會否出席喪禮？）我諗佢會去，但佢又話可能太多人，要遲啲去佢屋企拜祭佢。」
陳美齡得知好友安倍晉三遭槍殺感到十分痛心。（葉志明攝）
陳美齡老公金子力與安倍晉三是大學同學。（葉志明攝）