由ERROR成員郭嘉駿（193）、郭奕芯（Ashina）及譚凱倫（Helen）主持的ViuTV綜藝節目《晚吹—戀講嘢》昨日（12/7）請來25歲的KOL西童（梁西童）擔任嘉賓。她以紅色低胸運動裝上陣大曬火辣身形，嚇到193都要轉移視線避嫌。

性感的衣着風格加上驕人的身材，西童曾惹來不少是非，更被定型為淫亂放蕩。她盡吐苦水說：「啲人會話臭X，會覺得你好淫蕩，係淫蕩嘅代表。」讀大學的四年，西童表示聽盡謠言：「成日傳我同嗰個男仔發生咗關係，平時同啲男仔Friend啲會出去飲嘢，啲人就覺得我同佢發生咗關係。我會事先同咗我男朋友講，『又話我同佢有路』，我就會話，『你睇下佢個樣就知我唔會同佢有路』。」她亦坦言曾因謠言與拍拖8年的男友出現信任危機：「聽到有女仔講，『又見到你男朋友，佢好好玩呀』。（懷疑過對方？）都有一秒，一齊咗咁多年都信任佢。」