好友林家楝拍戲受傷入院 方中信：佢唔係好大件事呀？
撰文：吳子生
出版：更新：
方中信今晚出席《仁濟醫院董事局聯歡晚宴》。（葉志明攝）
方中信連同影帝任達華，郭富城和吳鎮宇近日忙於拍電影《內幕》，可是日前突然傳出任達華染疫消息，被迫全面停工。今晚（13/7）方中信現身灣仔出席《仁濟醫院董事局聯歡晚宴》時表示：「當我知道呢個消息之後，其實就冇驚過，因為我日日都會驗，而我同華哥嘅戲份拍晒之後一個星期，華哥就中咗招。不過華哥5日之後，就好快就冇事。」另外再提到好友林家楝拍戲受傷入院，方中信表示：「我都係啱啱先知，佢唔係好大件事呀？希望佢快啲好返啦，如果唔係點樣上金像獎攞最佳男主角呀！」
方中信希望林家楝早日康復。（葉志明攝）