鍾嘉欣離巢後秘密北上賺人仔？ 驚現《星漢燦爛》演員列表
撰文：鄺鈺瑩
出版：更新：
唔少網民一開始都唔睇好《星漢燦爛》，以為係一套靠流量演員炒熱度嘅作品，結果播出後，重質又重量，豆瓣有7.4分。
由吳磊和趙露思主演的內地劇集《星漢燦爛》，故事講述趙露思飾演嘅程少商因為戰亂與父母分開，被祖母與嬸嬸養育，卻在家族中不受重視，缺乏關愛的她，遇見吳磊飾演嘅少將軍，兩人相知相惜，展開雙向救贖的浪漫愛情。
鍾嘉欣出現喺內地劇集《星漢燦爛》嘅演員列表當中，但其角色極為十八綫，因而引起網民的討論。
劇集自開播以來話題不斷，豆瓣更高開7.4分。唔少劇迷隨即搜尋劇中所有演員嘅資料，並赫然發現鍾嘉欣在演員名單之上，飾演嘅係被家暴嘅曲冷君一角。華裔小姐冠軍岀身嘅鍾嘉欣，多年來默默耕耘，演技出色，實力早已被大眾認同。2018年因再度懷孕而宣布離巢，直到2020年再次回歸，有傳拍攝《星空下的仁醫》片酬近10萬一集。
呢個就係予辰，網上搵佢嘅資料甚為有限。廣州出生嘅佢畢業於中央戲劇學院，曾參與《米露露求愛記》、《飛鳥集》。
鍾嘉欣在港發展多年，一直未有北上賺人仔，《星漢燦爛》於2021年進行拍攝，以鍾嘉欣嘅身份地位，應該無需為打入內地市場而接下如此的小角色，有網民更表示「TVB的主角居然來演配角了，有點不可思議」。不過好快就有劇迷指出曲冷君一角係由內地女星予辰演出，有網民指出呢位90後小花曾經改名做鍾嘉欣，所以先會出現鍾嘉欣出演內地劇集呢單烏龍事件。