李蘊救貓B再放生網民斥只為打卡　IG自爆有苦衷：好明顯我養唔到

現時居於廣州的李蘊（Renee）日前在IG上載一系列抱住一隻黑色貓BB相，並寫道：「救活了你，我很高興，希望呢十幾日會有奇蹟，有人願意收留你吧......如果無......你要出去自己執生啦~乖乖的龍女！」被網民質疑救貓只為打卡，更有人留言說：「如果係會放番佢出去自生自滅，不如一早就唔好救佢啦。」原來一切都是誤會，因為她之後便在IG指自己找到貓舍收留貓BB，並解釋當中苦衷：「我點會唔想佢有一個好歸宿？我同佢雖然係有緣，但每個人嘅家庭都有唔同問題，唔係話我自己想養貓我就可以自私養，都要睇吓其他屋企人嘅意見同身體狀況，好明顯我係自己養唔到我先至搵人要啦。我噚日出Post講嘅只係最壞情況，其實原本係諗住畀人寄養住先，等佢大少少就幫佢絕育再考慮放養，不過收到好多難聽嘅說話，確實唔太開心，有人話我打咗卡就算，有人話我想害死佢，唔緊要，大家都係關心隻貓，不過話個好消息畀你知，佢有人要啦，我今日會帶佢去睇醫生檢查身體，下星期會將佢交畀新主人，佢一定會好好的。」

點擊下圖觀看相關圖片：