重新出發|陳約臨到日本拍攝全員染疫 監製張志明:冇得計損失

撰文:黃欣華
出版:更新:

有《3日2夜》之父之稱,前無綫金牌監製張志明自從過檔香港開電視後,就重點打造全新旅遊《重新出發》,繼續請來張沛樂(沙律)、陳約臨(Kelly)、劉芷希及陳芷尤等多位女神,為觀眾帶來久違的養眼福利!雖然《重新出發》目前已經開播,不過日前收到消息正在日本拍攝的陳約臨以及攝製隊均不幸染疫,情況令人擔心!

《重新出發》帶大家用55日重臨舊地。(影片截圖)

去年底成為「日本人妻」的Kelly,本來帶觀眾「返鄉下」,之後順道回夫家探親。不過,在完成東京的拍攝,抵達大阪後,她與其餘3名工作人員都相繼確診,她接受《香港01》訪問時講道:「我哋而家各自喺酒店隔離緊,我已經一條線咗,但安全起見都自我隔離多幾日,先可以繼續拍攝。(靠自我康復?)無錯呀,我哋都有帶定啲藥旁身,都驚屋企人會擔心,但而家身體情況還好,因為都打咗3針。」問道日本混血人夫有否幫手時,她笑稱:「每日都有Facetime,但我喺大阪,佢喺東京,唯有嗌外賣靠佢幫我睇吓有咩食,佢係我嘅翻譯機。」而Kelly就透露拍攝完後暫時會繼續逗留日本:「日本呢邊可能要搬屋,搞掂晒啲嘢先至再返香港。」

陳約臨抵達大阪返亦未有更新IG!(IG/@yeuklam)
Kelly曾表示因為工作之餘,又可飛日本見老公,是兩全其美。(IG@yeuklam)
+32

而張志明亦稱目前拍攝旅遊節目是非常大的挑戰,更希望攝製隊儘快平安回港:「今次我哋拍旅遊節目去咁多個地方,飛日本應該係最困難,首先要等Kelly個簽證都等咗好耐,所以我哋喺最後先拍日本。佢哋應該喺大阪染疫,嗰日拍完嘢返到酒店就全部都發燒同喉嚨痛,我哋都即刻安排咗間酒店等佢哋全部自我隔離,唔好再出去,Kelly第4日已經變返一條線,我諗成班過多3、4日就冇嘢可以出返嚟拍攝嗰幾集,之後就可以快啲返香港。(預計會損失咗幾多?)其實都冇得計損失,而家出發去拍旅遊節目真係搏㗎,唔可以用錢去計。」

張志明表示希望攝製隊平安返港!(梁碧玲攝)
沙律張沛樂帶十套泳衣到泰國拍攝節目。(IG:@charlottecheung107)
+74

點擊看旅遊節目《重新出發》一眾主持靚相:

+25