痞子殿下｜無綫取消發放收視資料 波波黃靖靈：收視我唔在意
撰文：吳子生
出版：更新：
波波直言不在意收視結果。（陳順禎攝）
波波（黃靖靈）今日（1/8）現身鑽石山出席無綫劇集《痞子殿下》宣傳活動。提到無綫(TVB）早前發新聞稿，突然宣布不再全面發放收視資料，認為恆常於每周一發放電視直播收視資料已不合時宜，未必能完全反映觀眾收看電視節目的實際情況。波波表示：「其實一套劇好唔好，收視都未必關事，因為而家網上咁犀利，套劇反應好唔好，都會有好多人去討論。加上我作為演員，我只係在意自己嘅演出，收視嘅嘢我就唔在意嘅，因為好多嘢自己係控制唔到，而自己控制到嘅嘢先係最緊要嘅，咁所以希望大家睇完套劇會開開心心就最好。」
波波今日出席劇集《痞子殿下》宣傳活動。（陳順禎攝）