鄭衍峰首擔正做綜藝主持 唔介意同緋聞女友馮盈盈合作:默契喺到

撰文:賴家杰
出版:更新:

TVB全新綜藝節目《答得快 好世界》正在錄製,鄭衍峰(Leonard)是節目主持之一,這亦是他首次個人主力擔正做主持的節目,因為以往Leonard主持的節目也有一些前輩在旁帶領,這次對他來說相信有一定壓力。Leonard接受《香港01》訪問時說:「有呢次機會幾得意,因為公司55周年會有一連串節目,我記得5月尾係呢個節目監製搵我做呢個節目。坦白講我都同佢講你幾勇敢,夠膽用我,我心諗你夠膽用我就夠膽做,要對自己有信心。」

Leonard呢三年都做好多唔同綜藝。(陳順禎攝‌)

在TVB接近工作6年,Leonard可說是終於捱出頭,他笑言:「我覺得唔係捱,我真心同朋友講,做娛樂新聞個段時間係學到好多嘢,知道呢個娛樂圈大概係點樣學習,係必經階段。」

Leonard驚喺節目會同陳百祥交手,因為指對方會唔跟稿。(陳順禎攝)

另外緋聞女友馮盈盈近來也是主力做綜藝,相信接下來二人也會有不少合作機會,Leonard坦言跟盈盈早已有合作:「之前一直都有同盈盈做慈善Show合作,坦白講合作過好多次呢幾年,有默契係到,知道綜藝節目要有咩效果,大家一齊合作都好順利。」

Leonard話唔知盈盈是否有意轉行。(陳順禎攝)