《2022香港小姐競選》19位佳麗今日（8/8）齊齊現身愉景灣接受特訓。14號佳麗梁超怡（Joey)早前受訪時透露，左手上的紋身是為了紀念兒時因病離世的女性好友。被問及會否擔心紋身會影響成績？Joey表示：「其實我就覺得唔會話對我有咩影響，因為我覺得名次係其次嘅。而我最主要係覺得參選時嘅過程，同埋可以去擴大自己嘅視野。講到底我就覺得做好自己本分，唔好去諗咁多名次嗰樣嘢。（會否覺得自己會陪跑？）我唔覺得自己會陪跑，點都覺得自己有信心先會企喺度見大家嘅。因為我相信有紋身唔代表啲乜嘢。（會否即刻將紋身洗走？）我會聽返公司安排。（有咩安排？）暫時未知，我諗係要尊重返個場合，搵嘢遮遮佢。」