七仙羽（七師傅）今日（12/8）中午現身九展為今晚頭場《師傅七都識唱笑會》舉行拜神儀式，祈求開騷一切順利。 被問到Mirror演唱會發生駭人意外事件，會否為其帶來心壓壓力？七師傅表示：「對於舞台上嘅安全性，令到我特別留意，因為呢場騷表現成點係其次，最緊要係大家健康同平安。所以我對每一個人員都幫佢哋灑淨，同佢哋念經同祈禱。（有冇買重保險？）我哋都所有工作人員都買晒保險。而今次呢個台係冇任何機關，係冇升降台。（有冇仔細咁睇晒全場？）未睇，一陣做晒訪問先去睇，仲要喺台度灑淨，祈求平安。」