陳自瑤與王浩信離婚結束11年夫妻關係 好友黃建東：真係唔知
撰文：吳子生
出版：更新：
有報道指好友陳自瑤與王浩信正式離開，結束11年夫妻關係，黃建東表現驚訝。（陳順禎攝）
黃建東今日（16/8）現身將軍澳出席無綫全新綜藝節目《全城一叮》拜神儀式。對於近日有報道指好友陳自瑤（Yoyo)與王浩信正式離婚，結束11年夫妻關係。他表示驚訝：「我真係唔知道，Yoyo佢真係係好錫我嘅，好記得上年我表演舞台劇嘅時候，佢都有嚟支持我，佢係我心目中佢係一個大姐姐咁，會好照顧我，但私人感情嘅我哋就唔會講嘅。咁無論如何最緊要人冇事，我會繼續支持佢，同埋期待佢繼續發光發亮嘅。（會唔會問候佢？）首先我就唔知呢個報道真定假，加上呢啲咁嘅新聞，我就覺得唔好打擾佢住，俾啲空間佢，同埋希望佢知道身邊好多人都好錫佢同支持佢。」
黃建東今日出席無綫全新綜藝節目《全城一叮》拜神儀式。（陳順禎攝）