Auntie妳好︱鍾慧冰爆選美黑幕 保錡：估唔到呢招現實有人用
撰文：陳栢宇
出版：更新：
ERROR成員保錡、鍾慧冰和陳月媚（媚姨）主持的ViuTV節目《MM730 - Auntie妳好》昨日（25/8）一集以「唔同年代嘅選美標準」為主題，邀請了參選《美選D.n.A》的鄧月平、《肥美人》冠軍劉子晴（呀肥）及《最後一屆口罩小姐選舉》亞軍徐蒨寧（阿姨）三位參加過選美比賽的藝人做嘉賓。
節目中，1979年港姐季軍鍾慧冰分享參選經驗：「當年同我一齊參選嘅女仔，有啲連高跟鞋都未著過；經過四、五個月訓練時間，一齊喺一間大屋跳舞，上化妝堂，都學咗好多嘢。因為嗰時咩都唔識，好青澀。」之後，她又爆自己聽過的選美「黑幕」：「我聽過有啲選美會，有女仔特登掉咗其他佳麗件上身泳衣，等佢到時搵唔到；另外最離譜嗰次，聽講有女仔將痕粉灑落人哋件衫，結果褓姆要四圍去摷，喺其中一位佳麗手袋搵到（痕粉）。」保錡笑言：「估唔到《整蠱之王》（整蠱專家）用痕粉呢一招現實都有人用！」
點擊下圖觀看相關圖片：
+3