香港開電視選秀節目《就是青春》今日（5/9）於荃灣有線電視大樓錄影廠舉行拜神儀式。現年20歲的參賽者曾琸庭（Alice)受訪時笑言為了今次的比賽連學業都可以犧牲：「其實由細到大我都好想做跳唱歌手，今次咁難得有機會俾自己去追夢，所以我係豁出去，今日連學我都唔返，選擇走堂，嚟度呢度見大家。（有否參加過《全民造星》？）之前有，但就冇回音。不過睇到啲參賽者俾花姐鬧，我見到都驚，慶幸自己冇入圍。但睇返花姐鬧人，佢都係想推動佢哋啫。但我哋呢一邊就比較溫和啲嘅。」