近年憑TVB處境劇《愛．回家之開心速遞》中「三太」白天娥一角而成功入屋的樊亦敏，在劇中的貴婦形象深入民心，而在現實生活中，她同樣都是圈中的「小富婆」之一。早前有傳媒影到樊亦敏到壽臣山道西睇一個價值逾4億元的獨立屋新樓盤，據知該獨立屋設有六個車位，而她亦仔細地檢查用料、間隔的實用性等，可見她睇樓的經驗非常豐富！

其實樊亦敏一向投資有道，理財功力絕對不比演技遜色，早在讀書時期已經好有賺錢頭腦，她曾在接受訪問時透露小時候和同學以物易物，用自己的筆盒換來零食，之後開始賣明星相賺錢。港姐出身的樊亦敏早年曾一度轉戰內地，參演了《太極宗師》、《楊總正傳》等，拍劇賺了錢之後就開始買樓投資。去年樊亦敏到內地拍攝回歸劇《獅子山下的故事》，期間又有拍廣告、出席活動等，賺到盆滿缽滿！

現時樊亦敏對投資理財更甚有研究，投資近十種不同類型的產品，包括股票、車、首飾、手袋、貨倉、古董、陶瓷、書畫等，而在買樓方面，曾在日本留學的她早年就大手買入當地的單位，後來更在東南亞、歐洲等地置業，堪稱「投資達人」！