【歎得好健康】19歲真靚仔丁子朗 苦練肌肉:每日做10組Plank

撰文:
最後更新日期:

《歎得好健康》除了陳雅思外,19歲丁子朗都好搶鏡,結實肌肉原來要食肥仔水先操得起。

應屆香港先生亞軍兼最上鏡先生丁子朗,今年只得19歲,是無綫難得一見的小鮮肉。

《歎得好健康》大家一定記得陳雅思的泳裝,那套在雪地穿的火紅色……不過另一位主持丁子朗亦非常搶鏡,經常說無綫青黃不接,19歲的他絕對是最佳接棒人選。這位應屆香港先生選舉亞軍及最上鏡先生,在《歎得好健康》第一集中在雪地赤膊上身浸温泉,盡顯結實身型,大家一定以為丁子朗要地獄式減肥,但瘦底的他竟然要增肥,他接受《香港01》訪問時說:「我平時都食好多嘢 可能本身瘦底 所以食極都唔肥,今次拍節目前,我太瘦喇,啲人都奇怪香港先生咁鬼瘦嘅,我要飲肥仔水,即係protein powder用嚟增肥,點知肥咗塊面,我又要狂做運動減返,不過如果飲蛋白質粉嘅話 就一定要每星期起碼做三次運動 如果唔係一肥就會肥塊面先,不過平時都有做運動嘅習慣 因為受到大學宿舍室友影響 佢好大隻 成日迫我去做gym 所以慢慢都變成自己嘅習慣. 好彩有佢帶我去做gym 如果唔係我都冇本錢去參加香港先生。」

丁子朗在《歎得好健康》大騷人魚綫,原來要每日做10組plank,每次2分半鐘,再加100下sit up,真是成功需苦幹。

丁子朗人魚綫吸引,原來他是刻意狂練,他說:「背肌、胸肌太大,有時女仔覺得唔好睇,反而腹肌結實….好多人覺得好sexy,我自己練人魚綫,就一定做Plank(平板支撐),每次兩分半鐘,做10 set,同埋再加100下sit up,做完真係想死,我會聽住胡鴻鈞嘅《情人自擾》做,因為首歌夠哂慘,啱哂做緊Sit up嘅時候聽。」

+8
+7
+6

丁子朗亦是YouTuber,拍片、剪接一手包辦,如果有教細人魚綫應該會更吸引。

比起其他無綫藝人,丁子朗亦懂得玩社交媒體,在YouTube亦有頻道「膠人、膠事,膠Ding日記」,內容相當生活化,講自己朋友,講自己做電燈膽經驗,自己拍兼自己剪,好睇過TVB.com的片十倍以上。他說:「我成日都覺得自做唔到幕前可以做幕後,因為好鍾意剪嘢,我又冇咩形象,所以咪學下做YouTuber囉。」
 

19歲瘦底身型,丁子朗話絕不戒口,還要飲肥仔水增肥,青春就係咁囉。

係咪想同丁子朗(最左)和一班應屆香港先生,瘋狂行山呢?



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。