陳靜Dada難頂蔚雨芯囉嗦未飛美國先有拗撬：叫我去到要着得密實啲
撰文：吳子生
出版：更新：
陳靜（Dada）今晚（10/9）現身西九文化區出席中秋嘉年華活動。Dada透露明早便要上機飛往美國遊學三個月心情緊張：「今次我同Rainky（蔚雨芯）兩個女仔過去，好怕會遇到問題，始終嗰邊人生路不熟，加上我哋仲會住係黑人區嗰邊，治安都知唔係咁好，所以都會好怕人身安全呢個問題。」
+2
被問到會否擔心同Rainky相處會出現拗撬？Dada表示：「其實呢個問題，未去我同佢已經有火花有拗撬，就好似佢叫我去到美國，千祈唔好着我平時去做運動時嘅衫，要我着得密實啲，淨係呢樣嘢佢同我講咗三次，佢好囉嗦，我就同佢講你估我傻嘅咩，我着衫係睇場合嘅，我仲叫佢放心，我一定唔會咁着，反而我係擔心佢多啲囉。哈哈！不過我都同佢打定底先，話我哋今次之旅一定會有拗撬嘅，而佢聽到都好愕然問我點解。我就解釋俾佢聽我哋係人嚟嘅，有衝撞大家先有火花，咁樣大家先會更加了解雙方，所以我係好期待嘅。」