曾志偉開腔回應與浙江衞視合作綜藝：呢件事可以話有真有假

早前浙江衞視的製片人吳彤就在的招商大會中，宣布聯合優酷平台和TVB共三台聯手打造全新綜藝節目《無限超越班》，有指將會邀請不少重量級巨星做節目導師，其中便有劉德華、劉嘉玲、梁朝偉、古天樂等。

當然一切也未經落實，早前節目《獎門人》錄影時，曾志偉接受《娛樂新聞台》訪問時澄清這件事，他說：「呢件事可以話有真有假，係有一件咁嘅事，傾緊當中，因為之前《聲生不息》，向港樂致敬，咁依家就有《那年的精彩》向港劇致敬，不過就講緊香港好多藝人都係TVB訓練班出嚟，有劉青雲、古天樂等，都想請佢哋嚟做導師。」志偉續說一切暫時處於大家幻想當中，未經落實，「得唔得呢，我自己都唔敢講，佢兩位十分忙，但係我會唔會邀請呢？我都會同佢哋講，就算做唔到導師都想佢哋錄幾句鼓勵說話。」

也有傳出月底會拍攝，下個月就會拍攝，志偉笑言當然不是：「依家都係初步接觸，我哋都係籌備緊，如果係拍攝，佢哋都會嚟香港拍，我哋三個平台都好有誠意。」

傳古天樂梁朝偉加盟內地新綜藝《無限超越班》　超強陣容無得輸？