洪卓立自從跟劉沛蘅（Hillary）拍拖後，除了人氣旺，連賭運都旺起來。最近他在社交平台上載兩張贏波贏馬的相片，其中一張以720元成功贏回73994元，不過三個月內就將7萬多元全輸出去。昨日(19號)相關報道一出，立立似乎不滿被網民批評佢爛賭，即在IG開Q&A大吐悶氣。

上文提到洪卓立在IG限時動態上載兩張贏波贏馬的相片，其中一張顯示他買中了2比2的波膽，成功以1000元賭本，贏得了11500元，攢回10500元，期後有人問他會否買馬？他即貼出一張在6月15日買的一條四重彩的彩票，這次他用720元成功贏回73994元，相當好彩。但報道一出，大批網民即鬧立立「爛賭」無用！立立聞言似乎滿肚怒氣，隨即他在IG開Q&A同網民傾卟計，有網民就再次問他：「有冇嬴波嬴馬?」他即無奈表示：「就算有都唔敢開心share啦，話明間中玩吓又話人爛賭，認真嘢又唔見佢講唔見佢報，亂講個啲又反而咁認真。」睇嚟立立真喺好介意大家嘅言論。