狀王之王｜王浩信剃頭造型首曝光　張達明任新劇監製

無綫經典劇集之一《狀王宋世傑》，由張達明和郭藹明主演，當年播出時平均收視31點。無綫今年決定翻拍《狀》，並暫名為《狀王之王》，由王浩信、姚子羚、金剛及林子聰演出，而當年飾演宋世傑嘅張達明，如今成了該劇監製。

日前導演鍾澍佳上載與《狀》一眾演員的合照，只見王浩信之前被指似解放軍嘅「寸頭」，已經變成剃光，加上一身古裝造型，都算順眼。入行至今，王浩信雖然拍過不少劇集，但太多為時裝劇，古裝劇只得《公主嫁到》以及《東坡家事》，以上兩套都只需戴頭套。今次王浩信肯為《狀王之王》首剃頭，足見其重視程度。另外，已經有4年多無拍無綫劇集嘅金剛，今次亦有份參演《狀》，據悉他在劇中飾演宋世傑嘅跟班，而當年呢個角色由黎彼得飾演。