Summer Girls︱葉俙賢太性感惹家長投訴教壞細路:我條片冇色情嘢

撰文:吳子生
出版:更新:

葉俙賢(Amber)和張育玲(Kathy)今日(24/9)齊齊以參賽者身份到西貢遊艇出席香港開電視節目《Summer Girls2022》宣傳造勢活動。提到早前因參加「人魚體驗班」在名校九龍華仁書院舉行,惹來該校家長投訴太性感教壞細路 。Amber無奈表示:「我都好明白好多家長都係媽咪級,佢哋會覺得有個着得咁性感嘅女仔出現,係會令到啲家長係會擔心啲仔會學壞,驚佢哋唔專注學業,只係專注係個女仔度,始終個間係一間男校,咁所以我係好理解啲家長擔心啲乜。不過點都好,佢哋用咩色眼鏡睇唔緊要,我想講我拍嗰條片一啲色情嘅嘢都冇,係好性感健康嘅。」

Amber身材出眾。(葉志明攝)

而Kathy慶幸自己未曾被人投訴過:「我諗要投訴我嘅人會比較難少少,相信係好渺茫。因為我個人比較健康啲,同埋我覺得性感要有一啲特質,咁所以我係散發唔到出嚟,要投訴我性感教壞細佬都好難。」

Kathy慶幸自己未曾被人投訴過。(葉志明攝)