遭大前輩用粗口鬧單立文有嫌疑? 「細龍太」陳思圻:我唔講啦!

撰文:陳栢宇
出版:更新:

「細龍太」陳思圻(前名陳偉琪)今日(24/9)現身西貢遊艇出席香港開電視節目《Summer Girls2022》宣傳活動。提到她早前在節目中自爆在拍無綫(TVB)《愛.回家之開心速遞》時遭到大前輩用粗口問候,引起全城競猜大前輩是誰時,陳思圻笑言:「其實我唔係有心去講呢件事,係咁啱有人問我先講啫,其實每個演員都應該試過,話晒都對住咁耐。其實喺呢一行我都有見到其他人都好似我咁俾人鬧嘅,咁所以係好正常嘅。」

提到「大龍生」羅樂林受訪時直言擔心陳思圻所說的是他時,陳思圻笑言:「哈哈!咁梗係唔係佢啦,就算我係話佢,啲人都唔會信啦。因為佢對人真係好溫文有禮。(大前輩係單立文?)哎呀!我唔講啦!唔係,邊個我都唔講啦!你咁逐個逐個問係唔得嘅,唔可以逐個估,哈哈!」