顏卓靈(Cherry)上月底由演員轉做樂壇新人推出處女作《閃光》，Cherry今次的新歌除了獲藍亦邦作詞，MV亦遠赴日本秋田縣拍攝，但新歌一推出似乎不太啱網民的口味，網民仲呼籲對方還是去拍戲會比較好，到底首新歌係咪真係咁「唔得」，大家不如聽下先再下定論吧。

睇返網友嘅反應大部分都嫌顏卓靈的聲音太過「薄」及「雞仔聲」，還將她的聲音與王菀之及AGA比較，希望Cherry可以在聲線方面落苦功，否則好快會被樂壇淘汰。幸好成首歌未至於全部都是負評，有不少網友都大讚MV拍攝手法夠日式和顏卓靈靚女，仲話「有清新脫俗又有仙氣」，亦有人話估唔到顏卓靈可以唱得咁好。但無論有負評還是正評都好，心水清的網友表示現在歌手的唱功對樂壇來說已不是必要，反而歌手有特式的聲線更會令人留下深刻印象，因為樂壇現正缺乏「賣feel賣特式」的歌手。