陳嘉慧（Erica）自《愛上我的衰神》後名氣大增，於新劇《本尊就位》再次擔正，今日（6日）喺電視城為新劇進行拜神儀式。

Erica 接受訪問時表示感恩公司一直給予機會，並謂一直恨拍古裝。「因為覺得啲服飾好靚，好女仔，」除古裝外，陳嘉慧表示有意挑戰做打女，所以每次見到謝東閔、孔德賢有打戲時，都會從旁偷師、又會叫武指教自己耍劍，她亦打算拍畢《本》後去報讀武術班。

不少藝人在夏天拍古裝都會大叫辛苦，不過陳嘉慧就話自己唔怕曬又唔怕熱，更笑言流汗可以去水腫，搞到監製要不時提醒她在劇中叫「白雪花」，她說：「我都好驚拍拍下變黑雪花，同埋因為我個角色好女仔，所以每日開工我都提自己係女仔，唔好咁麻甩。」