陳曉華新劇短髮造型好搶眼 再做女一認演技不足：Keep住唔滿意
撰文：賴家杰
出版：更新：
TVB新劇《異空感應》（暫名）今天（17日）舉行記者會，劇中飾演女主角的陳曉華以短髮造型登場，她接受《香港01》訪問時表示一直也希望剪短頭髮：「其實我因為一直Keep住長頭髮，監製都好鍾意我長頭髮，但係啱拍完美麗戰場就好想剪頭髮，點知真係有套劇要我剪，好開心有呢個新嘗試。」
大家覺得陳曉華新造型點？（梁碧玲攝）
在劇中陳曉華透露會有不少動作場面，她說監製因此準備了十堂單對單的武術堂給自己：「我依家進行中，頭兩堂真係好辛苦，返到屋企係想喊，我冇諗過單對單咁打真係會咁辛苦，同埋我好耐冇做運動，真係肌肉酸痛，不過為呢套劇要頂硬上。」
陳曉華挑戰做打女。（梁碧玲攝）
而陳曉華是劇中的女主角，她近年演的劇集每一套戲份也相當重，陳曉華也不是第一次做女一，坦言很感謝公司給予這麼多機會：「其實係希望可以做得更加好啲，上次拍劇仲有啲緊張，希望今次會準備得好少少。」
言下之意陳曉華認為自己演技不好，她大方承認：「其實我Keep住都唔係好滿意，有好大進步空間。」
+49