翟威廉下月開團去日本玩六日五夜　三萬蚊團費仲有得一齊浸溫泉？

現年37歲的翟威廉（William）去年被前女友麥貝夷爆「性伴侶數量多得驚人」，兼遭對方指控「女友變炮友」而令形象受損，不過他的幕前工作未有收到太大影響，另一邊廂亦積極投資自己的清酒店生意，下月更「踩過界」兼任導遊開「日本清酒蔵巡回之旅」旅行團，帶團友去大阪大玩特玩：「到時見啦！」

翟威廉將於下月17日帶團去大阪、伊賀、岐阜和三重玩六日五夜，行程非常多元化全部皆由他本人設計，包括參觀清酒廠、行博物館、觀賞燈飾展、造訪陶瓷店、餵小綿羊等等，成人團費由29800元起。

周志康、林秀怡、何浩文及谷婭溦等圈中好友都有留言為翟威廉打氣，又鼓勵網民趕快報名：「報名係而家！」、「有冇咁抵玩呀黐線！」、「快帶我去玩啦啦啦」、「好想去呀！」成功引起網民們的注意，紛紛踴躍留言詢問詳情：「隨團顧問即係可以一齊去？」、「有無得同威廉一齊浸溫泉㗎？」翟威廉馬上表示無任歡迎：「一齊啦，順便見下我代理酒嘅莊主！」至於能否一起浸溫泉，他更大賣關子：「點止～」