林凱恩否認唔續約被飛出《愛.回家》:大家仲會見到Bonnie成長

撰文:賴家杰
出版:更新:

《愛.回家之開心速遞》的一眾演員今天(19日)扮鬼扮馬出席萬聖節活動,劇中演員之一林凱恩卻只簡單穿着斗篷,沒有悉心打扮,她接受《香港01》訪問解釋說:「你見唔到我今日Cosplay係Bonnie,一陣要開廠」。

林凱恩笑言好少萬聖節出街玩。(梁碧玲攝)

早前傳出林凱恩不續約TVB,因此被公司雪藏,她說:「我覺得好多謝網民咁關心我,只要大家仲喺電視見到我呢,證明我仲喺電視圈。」

有網友擔心林凱恩會被飛出《愛.回家之開心速遞》,她直言:「暫時都仲會喺《愛.回家》同埋《流行都市》見到我,兩邊一齊兼顧。可能公司覺得唔可以做細路女啦,要喺《流行都市》見識大人世界。」

Bonnie叫大家放心,仲會喺《愛.回家》見到佢。(梁碧玲攝)

至於合約還有多長方面,林凱恩坦言:「都仲有一段時間,大家都仲會見到Bonnie成長。但都開心,見到網民關心我,入行以嚟最開心事。」