新劇《妳不是她》戀丁子朗 馮盈盈激動劃清界線:愛火花,係冇嘅

撰文:林迅景
出版:更新:

丁子朗、馮盈盈、袁文傑、郭柏妍、張頴康、彭慧中等今日(21/10)出席新劇《妳不是她》的拜神切燒豬儀式。丁子朗和馮盈盈接受《香港01》訪問透露,他們在劇中飾演一對叫林信和夏莉的情侶。

馮盈盈和丁子朗劃清界線,似乎好怕傳緋聞。(葉志明攝)

丁子朗受訪時十分hard-sell的讚賞劇集的拍攝,指《妳不是她》猶如香港拍攝的韓劇一樣,每個鏡頭都十分完美。馮盈盈也說:「每個鏡頭都好似雕花咁,幕後攝影團隊擺咗好多心機去襯托嗰種浪漫氛圍。」

《妳不是她》由丁子朗、馮盈盈做男女主角,(葉志明攝)

馮盈盈還大讚劇本寫十分精彩。她說:「圍讀嘅時候已經感受到林信同夏莉呢兩個角色之間嘅感情交流,絕對唔係丁子朗同埋馮盈盈有啲咩愛火花,係冇嘅,係林信同夏莉呢兩個角色。」丁子朗聽完之後也表示同意。他說:「答得好,100分。」

為了新角色,馮盈盈特地去了駁髮,好靚呀。(葉志明攝)

即刻劃清界線?丁子朗笑言:「不嬲都有。」馮盈盈續說:「因為要分返清劇入面角色夏莉、林信係同我呢邊好唔同。我每次埋位都喺現場同自己講:『我係做嘢,唔係馮盈盈,對面都唔係丁子朗。』所以我每次入去都見唔到丁子朗同馮盈盈,只係有林信同夏莉。」