季前賽｜49歲童愛玲Fit爆現身記招 因姜濤出山拍劇：好鍾意佢
撰文：陳芷穎
出版：更新：
現年49歲的童愛玲今日（21/10）現身ViuTV新劇《季前賽》記者會，她以背心短褲示人大曬Fit爆身形。在劇中飾演姜濤媽媽的她，受訪時坦承是因為對方而出山拍劇：「因為導演同佢（姜濤），我同導演係同學，導演就搵我，同我講咗個故仔，再同我講咗係邊個做。我睇完曾經諗過唔拍，因為呢個媽咪係比較另類嘅媽咪，大家都咁錫姜濤，我自己又好鍾意佢。做一個另類嘅媽咪壓力好大，又驚會好乞人憎。後尾struggle咗好耐，導演又搵我傾，最後就決定拍。」
49歲童愛玲現身ViuTV新劇《季前賽》記者會，她以背心短褲示人大曬Fit爆身形。（葉志明 攝）
童愛玲大讚姜濤很乖，又跟自己講普通話，令她感到份外親切：「佢同我講佢係台灣人，我信咗，佢啲國語講得好準。佢係台灣人嚟㗎咩？好開心喺度撞到同鄉，後尾先知佢呃我。」
在劇中飾演姜濤媽媽的她，受訪時坦承是因為對方而出山拍劇。（葉志明 攝）
而葛綽瑤（Yoyo）則在劇中與姜濤有感情線兼攬攬戲，問到會否擔心「姜糖」呷醋，Yoyo指是劇情需要：「大家代入咗角色可能都想有呢個情節。」至於姜濤好唔好攬，Yoyo笑言：「嗰一下都好快，所以都唔係好記得。」
點擊下圖看更多相關圖片：
+3