超能使者｜劉穎鏇為拍比基尼一幕 爆狂飲齋啡去水腫：肚腩仔出嚟
撰文：賴家杰
出版：更新：
TVB台慶劇《超能使者》即將播出，連日來一眾演員在網上不斷宣傳。今天（23日）主演之一的劉穎鏇（Tiffany）出席《超能使者》的宣傳活動，而為了這部劇集，劉穎鏇可說是搏到盡，她接受《香港01》訪問說：「好開心，拍呢套劇開始氣氛已經好開心，期待大啲，呢個角色係我呢幾年拍嘅劇最大突破，我覺得整體呢個角色非常爆。」
劇中劉穎鏇衣着打扮都相當有「MK味」，但是她卻否認自己是「MK妹」：「佢係深水埗長大，所以唔好話佢係『MK妹』，佢係比較地道啲同埋識打功夫去保護自己。」
大家要留意劉穎鏇劇中打扮。（梁碧玲攝）
另外劇中其中一個焦點是劉穎鏇在沙灘上穿上藍色比基尼性感演出，展示了她的傲人身形，劉穎鏇憶起拍攝這場戲笑言：「我覺得劇情需要，我覺得Ok，成件事好愉快。個朝早冇食過嘢，成朝早都飲齋啡，想去水腫，都冇點食嘢想瘦啲，個幾日都驚食嘢，會肚腩仔出嚟。」
劉穎鏇入行以來都是給人清純感覺，穿比基尼這一幕絕對能給觀眾有衝擊，她笑言：「我冇諗過形象問題，始終做呢個角色，又唔知係咪福利，希望大家支持呢套劇，吸引多啲人睇，依家睇返有啲尷尬。」
+8