美麗戰場結局｜劇情暴走葉念琛遭鬧爆　網友開關注組「問候」伯母

無綫（TVB）台慶劇《美麗戰場》播出以來劇情峰迴路轉，一直成為討論熱話，最後5集劇情大暴走，大結局中留下不少懸念，開放式結局遭網友鬧爆，更有網民即晚開關注組討伐身兼監製、編劇兼導演的葉念琛。

葉念琛接受《香港01》訪問時親自解釋各種疑團，坦言：「我知大家會有好大反應，大家覺得意猶未盡最好，唔通結局又去返啲燒嘢食咩？」葉導講到多個位都是用心設計，例如點解蔣家旻最後出返嚟之後就完，陳瀅接到的電話是否真的由方力申打出：「我唔係懶惰所以唔寫結局，《美麗戰場》由首播到大結局，我都係希望一直咁有爭議性，一定有人話我爛尾，但我一定唔覺爛尾，所有嘢都有鋪排。」

葉導演講得頭頭是道，但網友似乎仍不太買帳，結局播出後馬上衝上搜尋榜首位，不少人湧入葉念琛Facebook留言怒罵，更有人為他開設關注組，名為「葉念琛美麗戰場結局 導致葉伯母被瘋狂問候關注組」，網民寫道：「拍到電視劇，拍到要開個關注組X，佢都應該係第一個」、「睇咁多年劇未試過想鬧導演」。