超神經械劫案｜張敬軒唔錫身親身上陣拍爆破場面：過足戲癮
撰文：吳子生
出版：更新：
張敬軒（軒仔）今日（31/10）現身銅鑼灣出席活動。軒仔透露最近不分晝夜為賀歲電影《超神經械劫案》連日開工，而且親身上陣拍打鬥戲，大讚過足戲癮：「其實呢套戲有好多爆破場面，而王菀之嘅角色係要俾人劈，我見到佢俾啲武打演員刀刀劈落佢度，講真我係睇得好開心。其實呢套電影係幾得意，因為當中有懸疑、搞笑加動作嘅元素溶合埋，變咗拍出嚟嘅效果係好正。（Jeffrey喺片場有冇撩你拗手瓜？）佢有撩楊天宇拗手瓜，但就冇撩我，可能佢知我有骨質疏鬆症，哈哈！」
張敬軒近日不分晝夜為賀歲電影《《超神經械劫案》開工。（陳順禎攝）
張敬軒今日出席活動。（陳順禎攝）