《姊妹淘》好友莊鍶敏驚爆婚變 陳詩欣感愕然：冇見過佢另一半
撰文：吳子生
出版：更新：
陳詩欣（Eunice）今日（8/11）現身電視城古裝街為《傳承·狂歡55:萬千星輝賀台慶》大型序幕歌舞錄影。提到《姊妹淘》好友莊鍶敏（Jacquelin）今日驚爆與台灣珍珠奶茶店老闆楊秉逸（Brian）正秘密辦理離婚手續。並有指他們就定居問題出現嚴重分歧，Jacquelin難忍對方多番食言兼三觀不同，決定忍痛結束這兩年的婚姻生活。
陳詩欣知道好友莊鍶敏婚變感愕然。（葉志明攝）
Eunice接受《香港01》訪問時說：「其實我都係睇到新聞先知呢個消息，都覺得好愕然，相反我而家係好關心佢而家個狀況會係點。（有冇打電話慰問佢？）咁又冇，因為我唔想打擾佢，想俾啲空間佢，等佢可以休息多啲。況且我到見到佢喺內地工作，見到佢最新狀況，相信佢係Ok嘅，而我都覺得佢係Ok先同大家公佈呢件事。（佢兩公婆是否聚少離多？）其實我哋《姊姊淘》一班靚女出親嚟聚會嘅時候，大家都好少提及自己嘅感情事，而我都冇見過佢另一半，亦都冇見到佢哋嘅相處，咁所以冇嘢可以評論。」
陳詩欣希望大家俾空間莊鍶敏。（葉志明攝）