蔡頌思與黃建東屢傳緋聞感困擾拒見面：好影響我感情生活
撰文：吳子生
出版：更新：
蔡頌思（Jocelyn）今日（8/11）現身電視城出席無綫音樂節目《勁歌金曲》錄影。對於被傳與黃建東因合作舞台劇《老公你好悶》而日久生情，又指二人出席音樂會時，更不避嫌手拖手合唱外，做訪問時更搭晒膊頭甜蜜互動，戀情亦被外界肯定。
蔡頌思被緋聞嚇怕，拒與黃建東見面。（吳子生攝）
Jocelyn接受《香港01》訪問時無奈說：「講真報道初出嘅時候，好多人都係唔信嘅，但當相關嘅報道多咗之後，事情開始失控變三人成虎，連我身邊嘅朋友都話講到好似真嘅一樣，搞到我都好驚唔敢再搵佢。之後佢都有問我點解唔搵佢，我同佢講你都唔係我鍾意嘅類型，同埋我真係唔想咁樣再俾人寫話我同你一齊。咁樣真係有啲影響咗我嘅感情生活。唔知係咪咁，佢好似有啲嬲咗我。」
蔡頌思今日出席《勁歌金曲》節目錄影。（吳子生攝）