蔣家旻競逐「最佳女配角」感壓力:最驚到最後唔係自己

撰文:吳子生
出版:更新:

蔣家旻今日(23/11)現身電視城出席《仁濟心》記者會。提到《萬千星輝頒獎典禮2022》提名名單日前正式出爐,她憑劇集《美麗戰場》角逐「最佳女配角」呼聲最高。蔣家旻表示:「當我知道入圍,嗰一刻係好似發夢咁,始終我哋作為藝人好多嘢都唔輪到我哋控制。而呢種感覺就好似夢想成真咁,而我最想係可以能夠進入五強咁,有冇獎攞都係隨緣,有就係錦上添花。不過我最驚係到最後唔係我攞嘅時候,我唔知俾啲咩反應好,咁所以我唔想俾壓力自己。因為我都有睇過提名名單,當中都有好多人都有資格去攞呢個獎,演技好嘅人大有人在。咁所以唔想俾自己咁大期望,到最後原來唔係自己攞嘅時候,我係會好失望,所以要保持平常心。」

《萬千星輝頒獎典禮2022》蔣家旻獲提名「最佳女配角」。(葉志明攝)