萬千星輝2022｜吳紫韻冇份提名「最佳女主持」失望：唔係親生女

娛樂新聞台女主持吳紫韻（Purple）今日（23/11）現身將軍澳出席《歡樂滿東華2022》記者會。對於《萬千星輝頒獎典禮2022》所有提名都落空，Purple感到有些失望：「其實我梗係期待自己有份被提名，但我明白始終自己唔係親生女，咁所以係有啲影響。不過有份被提名嘅藝人，其實佢哋都好努力。變咗我唯有下年再努力過，因為我有幾套仲未出行街嘅劇集我都有份參與，咁所以今年主力嘅都會係喺綜藝嗰邊，但其實都好有突破性嘅，例如有《不可能的任務》同《全能司儀》，而且我亦係唯一一個女性入圍4強，咁所以自己係有期望會被提名，但唔梗要，相信下年大家會見到我嘅努力嘅。」