林作同女友裕美感情疑紅燈　媽媽王莉妮慫恿兒子放棄：瀟灑點

近日林作同女友裕美感情疑似亮起紅燈，裕美在林作IG底下留言鬧爆他為人孤寒，連平日邊個請食飯都要討論一番，爆seed怒插林作：「男人講嘢狗up當秘笈，而我講過你對我唔好，我將10倍奉還，我講得出做得到！」。不過，林作媽媽（王莉妮）睇到報導後相當興奮，仲叫林作「瀟灑點」，慫恿兒子唔掂就好放棄！

裕美與林作拍拖至今，王莉妮都不願接納裕美，二人之間一直存在「婆媳糾紛」！近日，林作就在IＧ上載與媽媽的對話，原來王莉妮睇到二人感情疑亮起紅燈的報道後，心情大好，叫林作快點放棄呢段感情：「如果是真的我會好開心，要向我學習唔掂就放棄，瀟灑點！」仲追碼爆自己一把年紀仲好多人追！而林作一於懶理媽媽，只回覆句「哈哈哈」就完事。