高海寧 (高Ling) 向來與屋企人感情好好，昨日她就為爸爸預祝生日，並於IG分享了他們食生日飯的靚相。高Ling留言表示：「不想錯過你的生日，預先為你慶祝。老豆，生日快樂🎂😘有個人馬座老豆係好好玩既😂 #1212」相中可見高Ling爸爸相當有型，被女兒搣面珠時，即露出一副冧爆慈父樣，畫面十分溫馨。有不少網民就留言表示覺得高Ling爸爸激似才子黃霑。

而在另一張大合照中，高Ling媽媽亦出鏡了，有網民的焦點就落在高Ling媽媽的靚樣上，大讚高Ling似足媽咪咁靚女，又指她媽咪看來相當後生。