韓星路雲受訪充滿火藥味　被問足球問題女翻譯員：唔俾問呢啲嘢

韓星路雲今晚（1/12）現身尖沙咀出席著名品牌活動，吸引大批粉絲到場支持，場面墟冚。路雲透過女翻譯員受訪時表示：「今次嚟到香港時間上比較緊湊，變咗有好多地方去唔到。不過喺現場見到咁多粉絲係好開心同好滿足。（有冇睇韓國隊踢世界盃？）有睇。（有冇信心韓國隊有出線希望？）是關於邊一方面。（意思指進入16強！）此時女翻譯員個人表示：「不如唔好問呢個問題，因為唔係好關呢個活動事。」

有見及此，有記者為配合對方要求便問對方有否購買珠寶首飾送給女朋友及家人？女翻譯員再次表示：「請問第二啲問題，關於屋企人嘅嘢我哋之前交代咗唔俾問呢啲嘢。」記者表明從未收到相關要求。然後有記者提及崔始源曾參演香港電影，是否有興趣拍港產電影？女翻譯員強硬表示：「唔答，唔答。」記者追問：「咁佢想拍咩電影？」女翻譯員反問：「咩拍咩電影？」記者說：「你咩都唔答，咪問佢想拍咩類型電影？」場面一度充滿火藥味。