朱麗晨首次與蔣祖曼合作即變姊妹　自爆會嗌對方八婆：慣咗咁嗌

今日（ 7/12）朱麗晨（Rebecca ）現身寶琳宣傳無綫（TVB）劇集《輕·功》，劇集中她飾演化妝師李艷如。台上活動進入尾聲時，各位演員齊齊為《萬千星輝頒獎典禮2022》獲提名的獎項拉票，當中蔣祖曼就叫在場觀眾為她投票，又搞笑講到：「投唔晒再投俾其他人。」而朱晨麗就笑言：「真係多謝晒你。」

在接受《香港01》訪問時，Rebecca表示雖然第一次與蔣祖曼合作，但因為這劇集二人成為姊妹：「我好鍾意佢份人夠爽直，我哋嗌對方名大家都唔應，唔知你嗌緊邊個，但係我哋兩個有摩斯密碼，會嗌對方八婆，即刻就知道佢嗌緊我，因為戲入面成日都咁嗌，所以戲外都會慣咗咁嗌。」