施明跌倒昏迷需入院開腦 李家鼎有火拒再談家事：再問我就掟咪走
撰文：林迅景
出版：更新：
近日李家鼎前妻施明因為在家中跌倒，需要入院做開腦手術。消息傳出後，李泳豪就疑似暗指是大哥李泳漢放風透露消息，早前李泳豪接受TVB訪問時，提起李泳漢時也句句有骨，他說：「我唔需要同佢聯絡，佢亦冇同我聯絡，我能夠叫佢做嘅，就係唔好講咁多嘢！」12月7日父親李家鼎接受訪問時就為兄弟決裂解畫，他說：「兩個都緊張個阿媽，我都緊張呀，始終屋企發生咁大件事，我噚日都成4點先瞓，依家又要開工，雖然離咗婚，但始終都係老婆嚟㗎嘛。」問到施明最近情況？他說：「應該好啲啦，但真係唔講嘞，唔好意思。」
李家鼎今日照常開工。（林迅景攝）
今日（12/12）李家鼎如常開工，為《新春開運王》節目錄影。他接受傳媒訪問時亦明言不講家事，態度十分明確，而向傳媒表示「再問我就掟咪走」，其後他接受TVB訪問時也沒有再提及任何「家事」，完成了訪問就以趕時間為由拒絕再受訪。
施明憶述當年與李家鼎結緣。