余逸思變自由身ViuTV爆離巢潮？ 陳嘉倩唔諗跟隊：公司好Free
撰文：盧凱瑤
出版：更新：
陳嘉倩今日（13/12）現身銅鑼灣出席頒獎禮，她透露早前到日本旅遊兩、三個禮拜，嘗試很多新事物，當中包括更挑戰滑雪，不過疑似玩得不亦樂乎而受傷：「因為我係新手，所以一定會跌，點知有幾下真係擢親條頸，宜家個頭向左擰都有困難，宜家吞嘢食條頸都會扯住痛。」
陳嘉倩今日現身銅鑼灣出席活動。（陳順禎攝）
最近ViuTV陸續有合約屆滿後離開的藝人，疑似爆發離巢潮，而嘉倩已經在這裏發展了一段時間，被問到未來意向會與否與余逸思（Yoshi）有同樣想法，她表示：「我冇特別去諗。」隨後又大讚ViuTV給予很多發展空間：「公司畀好大自由度我，好似我攞咗個假去日本，佢都好Free（自由）咁畀我去，嚟緊劇集出街又要做宣傳，希望快啲養好條頸！」她坦言自己非常喜歡學習：「我好鍾意學唔同嘅嘢，嚟緊我會讀過Law（法律）嘅課程，日常生活好多合約要睇，所以增值下自己。」
+1