陳瀅今日（14/12）出席《萬千星輝頒獎典禮2022》記者會，她憑着劇集《痞子殿下》成功躋身「最佳女主角十強名單，與她同劇的周嘉洛亦與前輩陳山聰、林敏聰同場較勁，嘉洛就表示：「我有信心佢（陳瀅）攞到既，我亦有信心我主角獎啲運可以一次過推晒比痞子組合獎，原理就係一個人打邊爐呢，同一班人打邊爐呢，我會比較鍾意一班人打邊爐！」

提到日前嘉洛同陳瀅齊齊出席《AEG娛樂人氣王頒獎典禮》，當日陳瀅開胸晒長腿着得頗為性感，嘉洛就插袋尷尬避開！而嘉洛就解話：「我覺得好主觀啊性感同有型，我嗰下係俾佢型到，所以我冇尷尬囉，我係哇 she’s cool ！」

早前有傳龔嘉欣疑串陳瀅而得罪高層，雙方鬧不和，今日兩位當事人同場，被問到陳瀅有否跟對方打招呼？她就苦笑表示：「唔知點解，即係好多人都覺得我哋，會好尷尬或者有啲咩問題，其實真係冇，同埋我覺得今日所有嚟到嘅同事們一定有盡佢哋嘅努力，有一定嘅成績先會喺度（嘉欣好似眼濕濕有冇安慰下佢？）啊moon?（唔係，嘉欣！）我見唔到佢眼濕，我淨係見到啊Moon眼濕。」