繼與呂爵安（Edan）、江熚生（AK）合作後，林愷玲（Ashley）於ViuTV新劇《冰上火花》再與MIRROR成員交手，並將會與陳卓賢（Ian）有感情線，今日她與戲劇中正印柯煒林（Will）接受訪問時，Will透露為培養團隊默契，所以不時會一齊練波和飯局。柯煒林表示經過訓練後，雖與專業冰球員仍有距離，但因有鏡頭協助，效果應該不會太差。「上次Ashley嚟睇我哋練習，本身預佢做啦啦隊，點知轉頭佢已經換衫一齊玩。」林愷玲表示冰上曲棍球十分迷人，尤其是當男生換上相關服裝後，更顯高大。「喺場上又優雅但又有粗暴嘅魅力，所以都期待作品出街，同埋佢哋已經練得好好。」

對於老是與鏡仔合作，問到可有決心集齊十二子，林愷玲表示比較想大家留意自己嘅角色。「希望係可以帶到好作品比觀眾，同埋拍感情戲時，都係想觀眾代入角色，而唔係代入Ashley，想帶畀大家幻想空間。不過同到幾位鏡仔合作，我都覺得係好好好彩。」