張偉文70歲大壽延開20席與好友見面　身體狀態ok面容比較累

有「靚聲王」之稱嘅張偉文今日（21日）70歲大壽，好友為佢喺尖沙咀延開20席祝賀。陳友、魯振順、Joe Junior 、張子丯等均有出席。

不過未知是否平日在院舍太早休息，張偉文現身時頗為疲倦，契仔兼經理人方俊接受訪問時，透露張偉文身體狀態ok，平日下午會較為精神，由於生日宴在晚上，所以未知會否上台高歌。問到生日願望，張偉文表示希望身體健康以及在紅館開騷。方俊表示送上生日宴佢為禮物。「過去一年經歷高低起落，藉呢個機會圍埋食餐飯，大家聚一聚。」

方俊透露由於今日舉辦壽宴，故特意向老人院請假與張偉文外出，平日會每星期去探望對方，又會與張偉文外出飲茶。而明日冬至，方俊與張偉文會錄影節目，收工再一齊食冬至飯。