萬千星輝2022｜陸浩明有意同女友求婚爆儲咗好多子彈：已經睇緊樓
撰文：許逸本
出版：更新：
陸浩明（6號）今日（22/12）現身「最佳男女主持」十強候選人記者會，稱會盡力拉票，將「平常心」三字改成「投6號」！如最終失落獎項，就要求女友送禮物彌補心靈，如幸運得獎，就會進行人生重要階段，實行好事成雙！
陸浩明昐得獎再結婚，實行好事成雙！（馬嘉怡攝）
6號與相差十四年的女朋友陳詩欣（Ayan ）相戀十年，每天仍像熱戀，6號自言早認定對方，表示有求婚計劃：「成日都有諗，自己就最希望旅行結婚，而家放寬返，就有啲曙光（出年會求婚？）希望啦，我要繼續努力加油，同埋而家樓市調整緊，要娶太太，都要俾咗個安樂窩佢先，已經儲咗啲子彈密謀緊，呢排好忙成日去睇樓，我同佢一齊睇，呢啲一定要同另一半講，你買啱就冇所謂，買錯就好大鑊，睇啱就一次過又旅行、又結婚、又生仔！」
+27
自爆同女友睇緊樓，睇啱就結婚買樓生仔一次過進行。（馬嘉怡攝）