吳若希公開懷孕時黑圖 無懼走樣：只要你唔尷尬，尷尬就係人哋
撰文：洪曉璇
出版：更新：
吳若希與Mayanne麥美恩主持經理人育成真人秀節目《女王的密令》。（IG：@Jinnyng）
吳若希與Mayanne麥美恩主持經理人育成真人秀節目《女王的密令》，繼Jinny以自身「踩地雷」經驗，分享如何面對記者的對答技巧，而Mayanne親授台上技巧和臨場表現，避免仔仔們「發台瘟」。新一集，兩位經理人為免各仔仔醜照被起底，特設自選黑圖環節，更身先事卒面對舊日醜照，場面爆笑。
Mayanne麥美恩率先分享不堪回首的黑圖。
Mayanne麥美恩真係好放得開。
藝人有時難免會被網民、媒體起底，所以節目組特設自選黑圖環節，Mayanne身先士卒展示當年拍攝節目《我愛香港》時扮演英雄人物的造型，被安排扮「妖后」（Mystique），說：「這個造型算是作為一名女藝人的底線，能讓製作組知道原來有女藝人願意去做，同時亦證明自己，但真係可一不可再」。Jinny望仔仔們不要有偶像包袱，再以過來人的身份來對他們說：「初入行，我記得以前珍姐第一次搵我拍劇時就同我講咗一句說話問我『你想做咩角色呀？』當時我講話『想做諧星』，跟住佢就話『咁都好，好彩你都唔係諗住做靚女啫』而我之後所做嘅角色都係啲好正常嘅女仔。」接著Jinny便放出她當年懷孕時所拍下的對比黑圖，她更提到「只要你唔尷尬，尷尬就係人哋」。
吳若希教大家，理想與現實真係可以差好遠。
吳若希呢句真係至理名言呀。