衛詩雅公開名牌包包珍藏 網民：明星嚟講你真係好慳
撰文：鄺鈺瑩
出版：更新：
衛詩雅公開自己嘅包包收藏，網民睇完宦覺得佢十分慳家。
衛詩雅自從經營YouTube頻道之後，不時分享生活點滴。日前佢因為搬屋而進行斷捨離，除咗衣服之外，亦有唔少名牌包包，除有女士們最愛嘅Chanel、CELINE、Balenciaga之外，估唔到連agnès b.都有，比起阿嬌一整個櫃都放滿包包，衛詩雅嘅收藏品絕對係輕量級。
agnès b.係因為顏色而買，但買完又係冇用。
其中一個Chanel係衛詩雅第一次去巴黎時，覺得點都要買返個名牌而入手，不過講講下，佢又似乎唔捨得放上二手賣買平台，而另外兩個Chanel，衛詩雅就以經常用同留比女為理由，拒絕放售。而另一個堅拒放售嘅就係CELINE長期熱賣嘅Classic Box，衛詩雅話係因為自己去時裝週時，足足去咗CELINE三次先打動到店員拎出呢個Classic Box。唔少網民睇完影片之後，都認為衛詩雅持有嘅袋款大部分都已經過時，亦有指「講真你買袋嘅眼光好似麻麻哋」，亦有表示「明星黎講你真係好慳」，網民評價都算幾中肯，因為衛詩雅似乎連女星必備嘅 Hermès都冇。
衛詩雅話呢個Balenciaga係為咗慶祝自己30歲生日而買，但只係用過一兩次。
其他文章：衛詩雅細屋搬港島區大屋公開香閨 為慳錢裝修設計自已搞掂
+7