蘇韻姿傳因愛遲到被踢出《愛·回家》 周嘉洛幫講好說話
撰文：許逸本
出版：更新：
無綫《萬千星輝頒獎典禮2022》今日（8/1）舉行，今年27歲的周嘉洛憑《痞子殿下》入圍「最佳男主角」、「最受歡迎電視男角色」、「最受歡迎電視拍檔」，嘉洛亦是視帝人選的「黑馬」，早前曾誇下海口要做「最年輕視帝」，破古天樂29歲封視帝記錄；不過他接受《香港01》訪問時，就縮沙表示：「講就咁講啫，唔一定要實現，我冇壓力㗎（有冇信心呢兩年平咗古天樂個記錄？）冇信心，29歲好年輕，都係向返原本目標，十年八載啦。」
周嘉洛直言冇信心奪視帝。
周嘉洛憑《痞子殿下》入圍「最佳男主角」。
另外，提到《愛·回家之開心速遞》蘇韻姿因經常遲到，不肯認錯的囂張態度，被踢出劇組！由於嘉洛之前是《愛·回家》成員之一，被問到此事時，他說：「我自己就冇留意到呢一點，我同佢開工嘅時候，佢都係一個好用心好盡力做好每一件事嘅演員嚟（所以遲到一事係假？）由於我離開咗《愛回家》都有年幾既時間，當中發生咗好多事，我都未必可以套到風。（有冇關心下佢？）因為我開工，暫時未有呢個時間，同埋呢單新聞出咗好短時間，所以我諗會畀咗空間佢先。」
周嘉洛指蘇韻姿係一個好用心藝人。
有傳蘇韻姿因工作態度被飛出《愛回家》劇組。(蘇韻姿IG)
攝影：葉志明、陳順禎、梁碧玲