黃金萬両｜馬貫東笑江嘉敏收花：咁嘅年紀身形仲有人要？

江嘉敏及馬貫東今天（25/1）出席《黃金萬両》的宣傳活動，趁機向觀眾拜年！兩位在劇中飾演夫妻，不過就係對鬥氣冤家，由劇內鬥嘴到劇外，二人更有場親吻戲，馬貫東現場串爆江嘉敏指她有鬚唔剃好拮嘴：「下次你kiss前剃咗鬚先，有啲拮，你拮到我（想唔想再嚟多次？）嘩，我諗我成個兔年都會好唔開心，你想唔想嚟多次？但你可唔可以剃咗鬚先，（江：唔好將啲秘密話俾人聽！）。」

自從江嘉敏與拍拖多年的男友分手後，一直保持單身，早前她在社交平台頻頻發佈收花相，疑感情生活豐富，當被問到新年有咩節目時？馬貫東即衝出嚟反問江嘉敏的「送花疑雲」，他說：「送花嗰啲有冇約你新年去食吓嘢呀，自動餐嗰啲呢！」搞到江嘉敏尷尷尬尬地說：「咩叫自動餐啊？唔好咁八卦啦你（貫東你係咪呷醋？）我冇我冇我冇，我戥佢開心啊，去到呢個年紀咁嘅身形，仲有人要喎！」江嘉敏聞言即嬲爆爆咁講：「我摙死你啊。」