大誠實家・專訪|Alton寧為女友買衛生巾都唔想拎手袋: 未學得識

撰文:林得懿
出版:更新:
劇中Alton與Ranya飾演情侶,但呢日訪問要拍照時,無論點塑造sweet 都變成兄弟feel 。(葉志明攝)

喺MIRROR負「肌肉擔當」嘅王智德(Alton)接連於《ISWIM》、《繩角》瘋狂騷肌。不過在今個星期開播的《大誠實家》中,Alton所飾演嘅廿四孝男友,只需要盡情釋放暖男溫度,連他亦笑言難得輕鬆。「我覺得做演員帶到畀人新鮮感係好重要,同埋今次拍攝終於唔使學一個運動或者練一樣嘢,可以全力做演員。以前係要邊運動邊拍戲,今次齋拎劇本就ok 。係咪鍾意呢種多啲?我都幾ok,拍之前都諗爆頭,因為第一次咁文戲,同埋之前拍劇都係同MIRROR 兄分班,壓力會少啲。但今次係第一次同Ranya(李敏)做情侶,所以會緊張,但我都會唔怕羞,同佢對下戲 ,雖然呢個舉動係好正常,但我真係第一次嘛。」

Ranya樂於與鏡仔合作,唯一要求是唔好有太多身體接觸,因為非常擔心鏡粉會呷醋。(葉志明攝)

得到Alton的第一次,李敏言談間表示十分滿意 ,她說:「為好多時演戲好需要對方聆聽件事,唔會自己做自己,我同佢做戲時係感覺到有交流同build up ,我覺得係好好。」先後在《季前賽》、《野人老師》與鏡仔合作,雖然看似美好,但李敏認為因是鏡仔的原因,作品會過份被關注,壓力不少,而今次更是與Alton飾演情侶,過份親密的舉動隨時引起「蛋白粉」呷醋,但慶幸的是連床戲都沒有任何睇頭。「演員會知道同每一位對手交流都係獨一無二 ,譬如同Edan(呂爵安)因為劇情需要佢誇張啲,同埋佢要搞笑,所以變咗佢嘅energy會高啲,我會輔助,而配合嘅嘢都會多。而今次生活化強,所以同Alton合作最自然、最自在。」做過怪獸家長、又做過惡死家姐,Ranya希望挑戰港女式八婆仔角色,為觀眾帶嚟更多新鮮感。談及港女,話題一轉去到「拎手袋」,Alton聞言後即表示:「我唔得, 我覺得女友手袋特別重 、太重太重,未學得識呢樣嘢,而且又好在從來未試過 ,呢件事我真係未接受到。」

「演戲滿足感係唔同啲,舞台表演,完咗即可以感受大家掌聲 ,演戲當下自己feel good ,但仲要等剪接同後期,觀眾感覺又未必同我一樣,所以似係另一種嘢,要比啲時間耐性, 係另一種滿足。」 (葉志明攝)

Alton認為貼心男友不一定是拎手袋,而係可以從生活小細節入手,例如逛街時為對方買想食嘅嘢,而非大時大節搞一場「大龍鳳」去感動對方。Ranya亦認同由細節位入手即易打動芳心。「曾經有男友幫我去買M巾,我覺得好好, 因為佢去到超市,大家都知樣嘢唔係佢自己用,而佢唔介意去做,我覺得好貼心。」Alton在旁表示自己都買過M巾,不過是因為小時候為落街玩,而與屋企人協商,咁如果M巾同拎手袋又點揀呢?他毫不猶豫咁話:「M巾,其實我而家都可以去買,咦⋯⋯不過會被人認到,可能要叫同事幫手,不過呢件事我係唔抗拒。」

一講到拎手袋,Alton即落閘,仲話重過舉鐵。(葉志明攝)

訪問中,二位主角都十分盡責,不時分享自己的誠信、誠實程度,Ranya自認唔叻講大話,認為講完一個大話要再話一個大話去遮蓋只會更複雜。而Alton則認為誠實是一個出發點,只不過自己誠實的同時,對方可能會當成弘外之音。「我自己都會選擇誠實,學Ranya話齋冇而要一個大話冚一個大話,但入行後會因顧慮而選擇唔出聲,因為你知道而家講一句說話,受眾已經唔同以前咁,可能已經係全香港市民,唔係個個有同等程度認識你,解釋空間好低,所以有啲說話不如唔好講,留返同朋友先講。」是否已習慣了隨時切換模式?Alton認為這是一種成熟的表現,就算唔係藝人,普通打工仔、老闆都會遇到不同的問題,需在學習中成長、成熟,去年MIRROR經歷的種種,是否熟得特別多?Alton說:「會嘅 ,一定會。 因為步伐太快,好似火箭咁。有少少錯住去長大,但啲錯都係經驗,唔係啲唔好嘅事情。」

+13

化妝: Yumi Cheung @Annie G. Chan Makeup Centre (Alton)

髮型: Frankie Ho @ hair culture (Alton)

服裝: howlstudio_fashion (Ranya)、Sandro (Alton)

造型: PIPA Creative(Alton)